Tura, Jun 5: Lok Sabha election-ni result-rangko Mongolbar salo parakatanichi election-ni kamrang matchotangahaon, Tura Lok Sabha constituency-o susagipa dingtang dingtang political dolrangni matnanggrikanirangkoba da•o niatpilna gita man•skaengaha.
Ia election-o Congress-ni candidate Saleng A Sangma-ko chejawa ine NPP-ko dilgipa Rakkam A Sangma-ni aganani, Saleng-o tangka paisa dongja ine Trinamool Congress (TMC)-ko dilgipa Mukul Sangma-ni chonnikani aro an•tang baksa susarimgipa gipin candidate-rangko ‘Huro’ baksa TMC-ni candidate Zenith M Sangma-ni matnanganirangko nikna man•ahachim.
“Ia MP election-o Saleng, amako man•gen aro ian uni skanggipa changna amako man•gen,” ine NPP-ni Rakkam A Sangma, kobor ra•timgiparangna aganahachim indiba result-ni salo ua ia kattarangna aganchakani dongskajaha.
“MP election-o susana gita Saleng-o tangka paisarang dongpaama?” ine TMC-ni Mukul Sangma-ba chonnike aganahachim aro ian result-ni salo Mukul-naba kratcha•na nangani ong•aha.
Uni ja•man TMC-ni candidate Zenith Sangma-ba, gipin candidate-rangko ‘Huro’ baksa toahani gimin result-ni salo Congress dolna chakpagipa manderang, una aganchakaniko on•angskaaha.
Na·simang ia video-koba nina man·gen:
Na·simang iakoba poraina man·gen: Congress dolko huro baksa toanina TMC candidate Zenith-na ka•dingsteka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
