Shillong, March 24: Meghalaya a·dokni agan-chalaitimgipa ba Speaker Pa Thomas A Sangma Mawdiangdiango gital rikenggipa Assembly nokko nirokna sombar salo re·angaha aro a·dokni dingtang dingtang officer-rang baksa tom·e chanchigrikaha.
Gital rikenggipa Assembly nokko rikanio baditana kingking chu·sokenga uarangni bidingo a·dokni dal·dalgipa a·gipi dilgiparang baksa tom·ao chanchigrikaha. Ia tom·anio Deputy Speaker Pa Timothy D Shira, Deputy Chief minister Prestone Tynsong, Commissioner and Secretary Andrew Simons, Additional Secretary Malthus S Sangma, Parliamentary Affairs Departmentoni Cyril V. Darlong Diengdoh aro gipinrang dongpaaha.
Public Works Department (PWD), Parliamentary Affirs Department, Dessign Associates aro gipin nangchapgimin Departmentrang tom·ao dongpae rika-cho·anio chu·sokroroani aro iana nangchapgipa kamrangni bidingo uiate on·angaha. Rika cho·anirangko somai gita matchotatna man·a gita tom·ao dongenggipa dilgiparangko Pa Thomas A Sangma didiangaha.
Na·simang ia video-koba nina man·gen:
Na·simang iakoba poraina man·gen: M’laya a·dokni rama sorokrango speed limit machine-ko tekgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
