Shillong, Dec 10: South West Khasi Hills a•jani Mawkyrwat-o donggipa Sngap Syiem College-ni gital Science Block aro dal•bate tarigipa Classroom Block-B-ko Mongolbar salo, Meghalaya a•dokni Chief Minister Conrad K Sangma, nokdonggae on•angaha. Ia gital block-rangko nokdonggae on•anio, MLA Renikton Tongkhar, KHADC-ni Executive Member Carnes Sohshang aro gipinrangba dongpae bak ra•angaha.
Ia college-ni gital building-rangko nokdonggae on•anganio a•dokni Chief Minister, jinmana aganprakangengon, Meghalaya a•doko lak 6 manderangsan bilsi 45-na batgiparang ong•a aro bangkide dambebatgiparangsa ong•a ine chadamberangni namgnina tangka paisarangko koros ka•na nangani gimin aganangaha.
Mande sakantini janggi tanganion lekka porara namen nangchongmotgipa ong•a ine janapatengon, lekka porako man•anichisa a•dokna aro a•songna on•gilanirangko dakna man•a ine Sangma aganaha.
Sorkarini dingtang dingtang program-rangchi lekka porani dingtang dingtang gadangrango nangchakeaniko nikna man•aha ine janapatskaengon, sorkarini ra•gatgipa dingtang dingtang program-rangchi ia college-ba da•alo dingtanganiko nikna man•engaha ine Chief Minister, an•tangni kusi ong•aniko parakataha.
Sohra, Mawphlang, Williamnagar aro Baghmara-ko man•chape gimik dambonga sorkari college-rango Science aro Commerce stream-rangko a•bachengatna gita Sombar salo Cabinet tik ka•angaha ineba Chief Minister parakataha.
Ia college-na bus gari aro college-ko namdapatna gita gong lak 20 tangkarangko sorkari on•gilatenga ineba ia tom•anio Chief Minister parakataha.
Na·simang ia video-koba nina man·gen:
Na·simang iakoba poraina man·gen: Gari cha•oe palgipa dolrangko Guwahati aro Meghalaya-o rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
