Shillong, Oct 26: A·dokni skotong songjinma Shillong, Mawlai-o rikatenggipa Shillong Government College of Engineering-ko a·dokni skotong minister Pa Conrad K Sangma, Butbar salo nirokangaha.
The work for the Shillong Government College of Engineering is on full swing. Inspected the construction work of the College today with officials of the Education Department & @Meghalaya_RUSA. We look forward to inaugurate the College soon.@dpradhanbjp @EduMinOfIndia pic.twitter.com/Nx6ozKXsaY
— Conrad Sangma (@SangmaConrad) October 26, 2022
Ia Engineering college nokko rikna gita, RUSA 1.0 New Professional College-ni ning·o tangka-paisarangko on·e dakchakataha aro ia skie ra·chakram biapko ru·utgijan nokdonggae on·angna gitaba ka·dongsoenga.
College-ko rikatenggipa biapona re·ange nirokeani somoio, skotong minister baksana, Education Department-ni Commissioner & Secretary, B D R Tiwari, IAS., Education Department-ni Secretary aro RUSA Meghalaya-ni State Project Director, Ambrose Ch Marak, IAS., RUSA Meghalaya-ni Principal Consultant, Rangksan Mawroh, Education Department-ni officialrang, Architect Consultant aro Contractor-rang gimikan dongpatokaha.
Ia Shillong Engineering College-ko, North Eastern Hill University (NEHU) baksa chapate chalaiangnasienga.
Ua rikenggipa nokko nirokanga baksana, salni bako skotong minister, Shillong songjinmao donggipa Civil Hospital-ni ge·gipin cheksi, Cancer Wing-ko namdapatna gita da·o kamrangko ka·atenggipakoba nirokangjolaha.
Ia Cancer Wing-ko batanggimin somoio Covid man·e sagiparangko done sanchakna jakkalahani gimin miksonggimin cancer sagiparangko sanchakna gita adita namdapatani kamrangko ka·atenga ine nikna man·gen.
