Shillong, Nov 13: Mawshynrut constituency-ni dam 21 songrangko Rambrai constituency-o napatskana tik ka·ahani gimin jegale ia songni manderang Budbar salo, jinma Khasi Hills Autonomous District Council (KHADC) office-ona re·jomangtokaha.
Ia jegale re·jomaniko West Khasi Hills a·jani ning·o donggipa Misei, Mawsmai aro Langdongdai polling station-ni joint action committee (JAC) dilangaha aro uamangko KHADC office-o napna on·jahaon, songni manderang suk ong·gijaniko mesokna gita ramao jinma asonge jingjengataniko dakangskaaha.
Iandake ramao jinma asonge jingjengataniko dakanichi rama gita re·ruraenggipa gari gorarang neng·nikanirangko chagrongna nangskaaha.
JAC-ni parakatani gitade, ia songrangara, Mawshynrut constituency-ni Misei, Mawsmai aro Langdongdai polling station damgittamni ning·o donggipa songrangsa ong·achim indiba da·o ia dam 21 songrangko Rambrai constituency-o napatna tik ka·aniara manderangni kosako re·ani gita ong·engachim.
Ia songrangko Rambrai constituency-o napatgija Mawshynrut constituency-ni ning·on donna nanga ineba JAC dabiangaha.
Ja·mano jingjengatenggipa JAC-ni membor-rangko KHADC-ni Deputy CEM PN Syiem agangrikna okamatenba, uamangni nangnikanirangko niatna ku·rachakaniko on·ataha.
Na·simang ia video-koba nina man·gen:
Na·simang iakoba poraina man·gen: Gambegre bye-election-na skang attamo TMC-ni gariko tangka baksa rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
