Shillong, Dec 21: Sukrobar salo, Khasi Hills Autonomous District Council (KHADC)-ni padot Pyniaid Sing Syiem, Mawsymram Dorbar Shnong-ni Mawjymbuin Cave-ni ning•o olakianiko champengna tik ka•anio council-ni gita chakpaaniko on•a tik ka•angaha ine parakataha.
Adita somoirangna skang, Kutumba Surakshya Parishad (KSP) ingipa hindu organisation dolsani dabiani bidingo, Nongpoh MDC, Balajied Ranee-ni sing•anina ua aganchakaniko dakangaha. Ia KSP dolrang, Mawjymbuin Cave-ko sal 10-ni gisepo kulipiltaie on•ja ong•ode, Guwahati-ni sepango donggipa Jorabat ramako man•chape, Meghalaya-ni mongsonggipa ramarangko champengatgen ine ka•mikkenatanirangko dakangaha.
KSP-ni kosako matnanganiko dakatengon, Mawjymbuin Cave-ni case da•oba High Court-on ong•kuengan aro iani bidingo kamrangko ka•na gita East Khasi Hills-ni Deputy Commissioner-ko committee ge•sako kulie on•china gitaba ge•etaniko on•angaha ineba Syiem parakataha.
KSP-ni ramarangko champengatgen ine ka•mikkenataniko dakaniara niamni a•palo ong•an baksana court-ni mikkango mande ra•gijani ong•a, mongsongbate Ri-Bhoi a•jani sima ari sepangjolo donggipa biaprango champengataniko man•a ong•ode ian Meghalaya aro Assam a•dokni manderangni gisepo so•so jengjeng ong•atanirangko ra•bagen ineba ua aganangkuaha.
KHADC, Khasi hills jolo donggipa biaprangko nirokgipa ong•ani gimin, KSP-ni ka•mikkematani bidingo chanchibewalanirangko dake ja•kurangko de•na nangao ga•aka ineba aganangaha.
KHADC-ni CEM-ba, a•dok sorkario ia ka•mikkenatanirangko dakanina KSP-ni kosako ja•ku de•aniko dakchina Assam sorkariko aganchina gita didiataha.
Zero Hour Notice-ko on•ani somoio, Opposition-ni dilgipa Titos W Chyne, KSP-ni ka•mikkentani bidingo District Council-ni gita Home Ministry-na u•iatchinaba janapataha.
Uasan ong•aigija, KSP-ni ia ka•mikkenataniara , Meghalaya a•dok sorkarini kosako re•badeanisan ong•aija indiba ian Dorbar Snong, Mawsymram-ni Hima, KHADC aro Meghalaya a•doko songdonggipa manderangni kosako re•badeaniba ong•a ineba ua aganangaha.
Na·simang ia video-koba nina man·gen:
Na·simang iakoba poraina man·gen: 22nd North East FIDE Ratings Chess Championship 2024-o Daluni 2-gipa biapko chea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
