Shillong, Sept 13: BJP-onni ong·katani adita salrang ja·man, Mawsynram-ni MLA gitcham Pa Himalaya M Shangpliang, niamko chu·sokatna gita Butbar salo National People’s Party (NPP) dolo napangaha.
NPP dolo ja·napeani somoio MLA gitchamko, a·dokni skotong minister aro NPP dolni president Pa Conrad K Sangma, dakchakgipa skotong minister aro National vice-president, Pa Prestone Tyngsong aro Urban-ko jako ra·enggipa dakchakgipa skotong minister Pa Sniawbhalang Dhar aro dolni gipin official-rang gimikan Shillong-o donggipa NPP party-ni headquarter-o rimchaksoaniko dakangaha.
NPP-o napangenba Pa Shangpliang, jinmana aganprakanganio, NPP-chi rikdilenggipa MDA sorkarini a·dokni chadamberangko aro pilak game-ge·e cha·giparangni janggi tangani gadangrangko tang·doatna gita dingtang dingtang ja·kurangko de·atan baksa a·jana pilak namroro-silroroani programrangko a·bachengate on·anichi uko NPP dolo napangna gita didianirangko on·aha ine parakangaha.
An·tang baksana, Mawsynram-oni una chakpagipa sak 300 manderang gimikni NPP dolo napanganiko Mawsynram MDC aro Block-ni padot Pa Alvin Sawkmie, kusi ong·e uamangko rimchaksoanikoba Pa Shangpliang u·iatangjolaha.
Iakoba poraie nina man·gen: KHADC-ni CEM Garbage Disposal Truck -ko Shillong o a•bachengata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
