Tura, May 12: Meghalaya a•doko bilsi 18-oni bilsi 44 ong•gipa manderangko May 14 tarikoni COVID tika su•gnok.
Bilsi 18 batgiparangko tika su•na gita a•dok sorkari, pong 42,000 tikarangko bi•ataha aro ia tikarang Bristibar salo sokbagnok ine a•dokni Deputy Chief Minister Prestone Tynsong parakataha.
Deputy Chief Minister-ni parakatani gitade, COVID-ni tikarangko kenchakna nangbatenggipa a•jarangna on•angchenggen aro tika su•na gita program-ko Health department-ni gita tarianggen.
Meghalaya a•doko bilsi 18-oni bilsi 44 ong•gipa manderangko tika su•na gita a•dok sorkari pongprako gong 300 ka•e gimik pong 42,000 tikarangko bi•atahachim aro ia tikarang Bristibar salo a•dokona sokbaengahani gimin tikarangko May 14 tarik dipet su•anggnok ine Tynsong parakataha.
Da•o dipet Meghalaya a•doko bilsi 45 batgimin manderangko tika su•ani 37 percent ba 38 percent gapengaha ine janapatengon, chol man•enggipa pilak manderangkon tika su•e ra•china gitaba Deputy Chief Minister didiataha.
