Tura, July 20: Shillongo donggipa MBOSE guest house-ko niroktimgipa mandeko satkapani ja·wilwat giproroangon Rangsakona-ni MLA Subir R Marak manderangni matnangako man·aha.
Obosta July 16 tarik pringni 2:00 bajimango ong·aha. NPP legislator-ni noko meattam cha·mane unona sokbagipa manderangko guest house-ona salangpilani somoio ia obosta ong·aha.
Walo dongtimenggipa mande do·gako oe on··na man·ningjaon MLA namen ding·chaoaha aro uko satkapatan baksa ku·atogijagipa kattarangchi aganahachim. Ua somoio MLA chu pekahachim ineba manderang matnangtokaha.
CCTV footage-o nikani gitade, MBOSE-ni watchmanko satkapna skang MLA maikoba aganchengaha. Indake ong·engon MLA-ni ripengska uko champengna jotton ka·engachim. Indiba ua manderangni uko champengna re·baon uamangkoba kragija kattarangchi agankuaha.
Iani gisepon Rangsakona-ni MLA, ia ong•a obostani bidingo talatna jotton ka•aha aro guest house-ni gate mikkango uamang ata konta mangna sengna nangahani gimin gisiko ding•chaoani nakataha ine aganaha.
Education Minister-ko grongna Garo Hills a•jaoni sokbagipa skigiparangko dongchakatna guest house-o kutturiko kangatmanahachim aro uni noko meattam cha•man ringmane guest house-ona walni 2 bajio sokbapilahaon gate-kon chowkidar oe on•jaha. Ata konta mangna sengani ja•mano uni PSO pakmako malbatange chowkidar-ko de•mesana nangpilaha ine MLA Subir Marak aganaha.
Uni ja•mano, chowkidar-ni jikgipa uamangko namgija kattarangko aganahani gimin ka•o nanga ong•katesa uko satkapna nangao ga•akaha ine aganenba, ian gisikni ding•chaoanichisa iandakgipa kamko ka•manahani gimin kema ka•chinaba Subir mol•molataha.
Na·simang ia video-koba nina man·gen:
Na·simang iakoba poraina man·gen: Rel gari a·sel ong·anio donggipa sak 42 manderangko Dibrugarhona rimbapila
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
