Shillong, Aug 24: East Jaintia Hills a·jani Thangskai songo Topcem cement company-ko bikotenggipa Meghalaya Cements Limited (MCL) karkanao cement bikotaniko barichakatani bidingo jinmani aro dingtang dingtang dolrangni agananirangko knatimna, Meghalaya State Pollution Control Board (MSPCB)-ni Bristibar salo ong·atgipa public hearing-o Wahiaher Narpuh songni manderang jensomoio karkanaona napchakatgipa biapko champengani ja·man golmal aro so·so-jengjengona sokangskaaha.
Knaani gitade, police baksa adita nanggrikani ja·man jingjengatao bak ra·gipa mande jinmani hearing-ko ong·atchakgipa biapchi napdrana am·tokani gimin police-rang champengenba ja·mano manderangko katbildangatna mikchini gasrangko gona a·bachengaha. Iani adita ja·man, songni manderang ua biapona tom·dakrorobaenba hearing-ko ong·atchakgipa biapko nosto ka·na aro tabil chokkirangko gochichi-gobrangbrangna gita a·bachengatskaaha.
Golmalrang ong·ani gimin hearing-ko ja·mano karkanani Community Hall-ona jitangskaahachim, indiba mande jinma iako knae hall-onaba napdrana gita am·toktaiaha, jekon police-rang champengtaiani gimin adita jegrikani ja·man police aro mande jinmani gisepo su·grik-dokgrikaona sokangaha aro songni manderang ja·mano police dolkoba ro·ong goruruaha ine koboro parakataha.
Golmal ong·miting somoio chelchakgipa police dolrang songni mande jinmako champengna amsokjaenba mikchini gas aro grenade-rango gona nangao ga·akpilahachim.
Indake ong·engon, a·jao cement bikotaniko apalbatatna am·aniko songni manderangni rake jegalsotokengani a·selara, a·jani samtangtangko aro songko-nokko nisiate galna gita songni manderangni kenchaksoengani gimin ong·achim.
Iakoba poraie nina man·gen: Chandrayaan-3 Mission-ni jajongo onchonganichi India itihasko taritaia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
