Shillong, July 27: Porikkako ong•atanio niam retirangko ja•rikgija, nokdangtangni mandeko aro mikkang nitee candidate-rangko seoka ine matnangenganiara namgni dongja ine Meghalaya Public Service Commission (MPSC) Sukrobar salo parakataha.
MPSC-ni gita ong•atenggipa MCS (Mains) porikkana sak 62 candidate-rangko seoktaianiko parakatani ja•man, nokdangtangni mandeko basee aro mikkang nitee seokaha ine Commission-ko matnangtokahachim.
Indake matnanganirangko man•enganina, ia porikkako sena kragipa candidate-rangko maming donnuagri niamrangko ja•riken aro paraken seokaha ine talataniko Commission on•ataha.
Question tarigipa ba Examiner-rangni question tarigipao gualanirang dongjana gita adita dakgni ja•kurangkoba donaha, indake ong•genchimoba adita gualanirang dongaiaha aro apsan daken kam rakkianio a•songni nambatsranggipa authority-rangba indaken gualaniko dakaia ine MPSC talataha.
MCS Preliminary porikkani result-ko parakatani ja•mano, saksa candidate porikkani Answer Key-ko on•china January 25 tariko Commission-ni kosako badi ka•angaha. Indake uni dabia gitan February 6 tariko una Answer Key-ko on•ataha.
Iani gisepon, ia Official Answer Key-ni ming 3 question-rango gualani dongaha ine uni documents baksa February 9 tariko Commission-na badi ka•angtaiahachim.
Badi ka•anggipa candidate-ni janapataniko ra•chake bakan nipiltaianiko dakangaha aro uni ja•mano 3rd party-ni gitaba nipiltaianiko dakenba, question-o gualanirangko expert-rang taripiltaiaha.
Uni ja•manosa porikkao candidate-rangni segimin OMR sheet-oni ua janapgimin ming 3 question-ni answer-rangko nipiltaianiko dakangaha.
Indake, ia ming 3 question-ni kakketgipa answer-rangko nipiltaianiko dakani ja•man ia sak 62 candidate-rangba MCS (Mains) porikkako sena kragiparang ong•a ine nikenba Additional list-o uamangni bimungrangko on•dapataha ine MPSC talate on•angaha.
Na·simang ia video-koba nina man·gen:
Na·simang iakoba poraina man·gen: August 23 tarikoni Meghalaya Assembly-ni Autumn Session-ko a•bachengatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
