Ampati, May 14: Meghalaya Civil Service (MCS) trainee ba gital MCS Officer-rang jemangan da·omiting Shillongo trainingko ra·engachim uamang South West Garo Hills district-ona wenange district-o sason ka·ani aro nirok-simsakani bidingo uie ra·na wenangtokaha. Uamang District Administrative officer-rang, aro Superintendent of Police ko Ampatini DRDA Hall-o gronge agan-golpogrikaha aro district-ni dal·dalgipa Officer-rang maikai kamtangko uie manderangna dangdike on·na man·gen iarangni bidingo agangrikaha.
Deputy Commissioner office-o aro DRDA-o salantio maikai kam ka·enga uarangni bidingoba nie-nike ra·angaha. Pilak kamrang matchotani ja·man uamang International Border aro Kalaichar Border Haat-ona re·angaha. sima-ario bading-chiwalgrikani aro aro gipinrangni bidingo uie ra·na chol ong·aha.
Songadam-nokadamo sana-banani bidingo maikai ong·enga uarangni bidingo uie ra·na uamang Garobadha Primary Health Centre (PHC) ona re·angaha.Godalgre Cluster Model Training Centre-o donggipa Meghalaya State Rural Livelihoods Society (MSRLS)-onaba re·ange uamang adita songni-nokni manderang baksa golpogrike songadamo janggi tangani cholrangko tang·doatani bidingo agan-golpogrikbaaha.
Na·simang ia video-koba nina man·gen:
Na·simang iakoba poraina man·gen: Arunachal-ni Roing Apex Bank-o cr 14-ni loan-ko niam gri on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
