Tura, July 5: “Effects of Drug Abuse and Alcoholism”, chong·motan pekatgipa samrangko aro churangko jakkalanichi mandena namgijanirang ine pangchakaniko donenba, North Garo Hills a·jani Deputy Commissioner-ni dakchakanichi Dainadubi-ni Multipurpose Development Manda A·kawe Mother’s Union (MDMAMU) baksana A·chik Youth Welfare Organization (AYWO), Dainadubi Regional Branch nangrime, pekgipa ringaniko jakkalani bidingo jolni chadamberangna agan-ma·siate on·na gita salsani Awareness Programme-ko Butbar salo, Dainadubi songo ong·atangaha.

Awareness Programme-ona Dainadubi PHC-ni Medical Officer (MO) aro Dainadubi Police Outpost-ni adita sak Police officer-rang mongsonggipa sokgiparang ong·e bakko ra·angaha.

Ia programme-ko ong·ataniara, da·ororo jolni bang·a chadamberang, pekgipa ringanirangko jakkale an·tangtangko nosto ka·enggiparang batroroengani gimin iandakgipa kamko chadamberangni mikkangchi ka·gniko champengsona gita miksonge ong·ataha.

Programona mongsonggipa ong·e sokgiparang, unomiting jinmana aganprakanganio chadamberang maini gimin iandakgipa pekgipa ringanirangko jakkalaona sokenga uarangko talate on·angan baksa, chadamberangni iandakgipa ong·gija kamrangko dingtang dingtang cholrangchi champengani gimin aro mikkangchina naljoke dongani giminba agan-ku·pattianirangko on·angjolaha.

Iakoba poraie nina man·gen: G20 Presidency-ni ning·o Think20 Conference-ko ong·atenga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub