Tura, July 3: Rim·srukangako man·gipa me·chikma saksa aro uni bi·sako West Garo Hills a·jani police-rang, July-ni 2 tariko Assam-ni biap damsao chipe donengmitingko jokatna gita man·aha aro uamangko rim·srukanggipa mandekoba rim·na man·aha.

Re·anggipa June-ni 20 tariko Phulbari jolo donggipa Rongkon songni antioniko me·chikma saksa aro uni bi·sako ma·sina man·gijagipa manderang rim·srukangaha ine Phulbari-ni police-rang, June-ni 22 tariko koborko man·soaha aro koborko man·soani ja·man police-rang, rim·srukanga man·gipa me·chikma aro uni bi·sako sandienba, July-ni 2 tariko Assam a·dokni Bilasipara police station-ni ning·o donggipa Beltuli minggipa songoniko jokatna man·aha.

Ia me·chikma aro bi·sako rim·srukanganio jak donggipa Shyamding songni bilsi 23 ong·gipa Moni Zaman-koba police-rang rim·na man·aha.