Tura, Aug 19: Me·chik bi·sa saksako kragija dake kal·akanina aro sakgipin me·chik bi·sakoba drae til·ekanina rim·ako man·gipa mande, Sukrobar walo Williamnagar Police Station-o an·tangko so·ote siaha.
Dos dakgipa mandeko salsa skangsan police-rang rim·ahachim.
Koborko on·ani gitade, Williamnagar Police Station-o an·tangko so·ote sigipa mandeara, bilsi 50 ong·gipa songni oja ong·achim aro ua an·tangko A·chik sam man·a ine a·kangenba, mongsongbate bi·sarangko sanna jotton ka·rongachim.
Ia mandeara, Chiading police station-ni ning·o donggipa Rongsak songni Jitman Sangma minggipa mande ong·achim aro ia mande, me·chik bi·sa saksako kragija dake kal·akaha ine me·chik bi·sani nokdang, ia mandeni kosako police-rangna badi ka·doangani ja·man police-rang, ia mandeko August-ni 17 tariko rim·ahachim.
Kobor on·timgiparangni parakatani gitade, ia mande an·tangko oja ine a·kangenba, me·chik bi·sarangko sanmika dake drae til·ekna chol ra·rongachim.
Ia mandeni iandake kal·akako man·gipa me·chik bi·sa saksani nokdang, ia mandeni kosako police-rangna badi ka·doangani ja·man ia mandeko Bristibar salo police-rang rim·e, Williamnagar police station-o donengachim.
Indake ong·engon, Sukrobar saloba, ia mandeni jako kal·akako man·gipa sakgipin me·chik bi·sani nokdang, police-rangona re·bae, ia mandeni kosako badi ka·doangtaiaha.
Indake ong·genchimoba, walni 9:30 bajimango Williamnagar police station-o nitimenggipa sipai saksa, ia mandeko nina re·angon, uko kae sie dongakosa nikeaha ine East Garo Hills a·jani SP Siddharth Ambedkar parakataha.
Ia mande, an·tangni ganenggipa cholakon budu dake tarienba lock up-ni ventilator-o kae siaha aro da·o iani bidingo police-rang ning·tubate am·sandina a·bachengataha ineba SP parakataha.
Iakoba poraie nina man·gen: South East Asian a•songrang baksa bading chiwalgrikani cholko sandina M’laya CM tom•e chanchirima
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
