Guwhati, March 10: Me·chikrangko ong·gija dake kal·akenggipa manderangko maming dakgija dongenga ine matnange, West Bengal sorkariko matnange, Akhil Bharatiya Vidyarthi Parishad (ABVP), Guwahati songjinmani Dighalipukhuri jolo chrik-a·boke jing·jengataha.
ABVP manderangni aganani gitade, adita bilsirangna skangonin West Bengalni Sandeshkhalio donggipa me·chikrangko namgija dake kal·ake roanirang bilongenga. Ua namgija kamko ka·enggipa manderanga sorkarini kurio donggiparangan ong·a ine ABVPni manderang matnangaha.
Ua dos dakgipa manderang West Bengal sorkari bakbakan rim·e bichal ka·na nanga ine ABVP dabiaha. Uamang West Bengal sorkarini kosako matnange chrik-a·bokaha aro Chief Minister Mamata Banerjee-ni bimangko tarie so·aha.
Ma·mong sorkari me·chikrangni kosako namgija dakgiparangko watpakna nangja ineba ABVP dabiaha. Uamang Indiani President Droupadi Murmuna, Kamrup Metro Deputy Commissionerni jako memorandumkoba on·e donaha.
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
