Tura, Dec 9: “Ian gisik ra·na krabegipa wal! Badiaba biapo gitasa daknikpilaha. Nigipa hajal manderang gitrangkoba man·tokaia,” Bollywoodni ga·sugipa singer Armaan Malikming agangrikengon CM Conral K Sangma katta naataha.

Sukrobar attamo sak hajal 70na bate nigiparang Me·gong Festival ong·atgipao Armaan Malikni ring·salrako git ring·pae aro chroke nitokaha.

“Me·gong Festivalo chadenge ring·na aiao inmanpile kusi ong·a. Nigiparangni jinma jinma git ring·paako knaon gisiko kusi ong·aniko tonan amjapila,” Armaan nigiparangna aganwataha.

Armaan kontasamangna ring·aha. Gisik ka·tongoniko bikongkate ring·aton Me·gong Festivalni balwaon uni sulrangan gape manderangko muni nangataha.

Armann-ni ring·salra gisik ka·tongni gita ong·anirangko parakanisan ong·aijaha, indiba dingtang dingtang bewalrango uni ring·na changanikoba mesokjolaha. Uni nakatatdaldal “Mere Khayalo Mein” ingipakoba ring·e on·angaha.

Me·gong Festivalni skanggipa attamode mikka waani a·sel dongwilwalan chimitek jripjrip dakaha, indiba gnigipa saloni sal nambapile festival miksik tangbapilaha.

Iakoba poraie nina man·gen: Ri Bhoi a•jao mande saksako silchidarerang aro matburingni bakrang baksa rim•a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub