Tura, Dec 10: Me·gong Festival-ni bak gita skanggipa changna Me·gong International Literary Festival-ko ong·atahani gimin Tura-ni Don Bosco College aro A·chik Literature Society-ko Meghalaya a·dokni Chief Minister Conrad K Sangma mittelpilangenba, A·chikrangni sea jotaniko tang·doatna gita a·dok sorkariba kamrangko ka·enga ine parakataha.
Jengjal-ni Baljek Airport-o Me·gong International Literary Festival-ko ong·atanio a·dokni Chief Minister, jinmana aganprakangengon, Babadam-o rikenggipa Tribal Institute-ara jatni sea jotaniko tang·doatna miksonge sorkarini a·bachengatgipa kaman ong·a ine parakataha.
Ia Literary Festival-ko ong·atahani gimin Don Bosco College aro A·chik Literature Society-ko mittelpilangengon, ia Literary Festival-ara A·chikrangni daka rikani, man·rikani aro cha·ani ringanirangko tang·doatna Me·gong Festival-ko apalbatatanian ong·enga ine Sangma aganaha.
Jattangni daka rikanirangko chel·chakjagenchimode jatni bimingkon gimaatgen ine mikrakataniko on·angengon, jatni daka rikanirangko ripinge rakkina gitade jatni man·rikanirangko gipinrangnaba mesokskana nanggen ine Chief Minister aganaha.
Re·baenggipa 2024 bilsio ong·atenggipa Meghalaya Games-chi a·dok sorkari, jatni nangrimaniko aro jatni kal·susaanirangko tang·doatna miksongenga ineba Chief Minister parakataha.
Ia Me·gong International Literary Festival-ko ong·atanio a·dokni Education Minister Rakkam A Sangma-ba dongpae jinmana aganprakangengon, chatro chatrirangni gisepo A·chikkuchi sea jotanio gisik nangbatna nangengani gimin aganangaha.
Ia Literary Festival-ko ong·atanio Garo Hills aro Bangladesh a·songoniba sea jotanio gisik nanggipa manderang bakko ra·angenba, jinma agan-chanchirimanirango bak ra·angtokaha.
Iakoba poraie nina man·gen: Rel garirangko ra·baani bidingo chanchirimna Jaintia Hills-o tom·aniko ong·atgen ine MLA paraka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
