Guwahati, May 12: Assam-o bilsi 10 ong•gipa me•a bi•sa-ko ka•saninggija dake so•otanina ia me•a bi•sani ma•gipa aro uni mikchagipako Guwahati police-rang rim•aha.
Ia bi•sani binekgimin manggisiko Robibar salosa, Basistha aro Indira Nagar-ni gisepo donggipa Forest office sambao, trolley bag-o chipe galako man•aha.
Ia me•a bi•sara, Navodaya Jatiya Vidyalaya-o class V-ko poraiengachim aro ua May 10 tarikonin gimaengachim. Uni manggisiko bostu kenta chimonggipa mandesa nikchengaha aro ja•mano police-rangna u•iataha.
Iani bidingo police-rang, am•sandina a•bachengataha aro police-rang, ia me•a bi•sani ma•gipa Dipali Rajbongshi aro uni mikchagipa Jyotimoy Haloi, ba jekon Jitu Moni ineba mingachim, uamangko chanchichipe sing•sandion, uamang an•tangtangni dosko ku•rachakaha.
Jyotimoy Haloi, jean Accountant General-ni office-o peon-ni kamko dikdiksana ka•engachim, ua Mrinmoy-ko uni tuition joke re•bapilengmiting somoio rim•srukangenba, gitokko rim•geke so•otaha aro uni manggisiko suitcase-o galeaha ine police-rangna ku•rachakaha.
Ia me•a bi•sani ma•gipa Dipali Rajbongshi, jean clinic-o kam ka•engachim, degipani gimaani bidingo police-rangna missing report-ko on•aha indiba uni police-rangna agananio kattarang melijani gimin police-rang, uko chanchichipna a•bachengaha. Ia me•chik, jagni skangsan segipako galna kachario dorgasto galaha aro da•o ua Haloi baksa mikchakgrikengachim ine police-rang aganaha.
Deputy Commissioner of Police Mrinal Deka-ni aganani gitade, ia a•selni bidingo magistrate-chi am•sandianirangko dakaha aro ia biapona forensic aro CID dolrangba re•ange nieaha. Ia me•a bi•sani skul bag-koba a•sel ong•gipa biap sambaonikon man•aha ine Deka aganaha.
Na·simang ia video-koba nina man·gen:
Na·simang iakoba poraina man·gen: Arunachal-o Poppy baganrangko nisie gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
