Guwahati, Apr 30: Congress sorkarini somoio sorkarini kamrangko man•rikgipa me•chikrangni kosako chonnikani kattarangko aganaha ine Budbar salo Assam Mahila Congress-ni membor-rang matnangenba, Rajiv Bhawan mikkango, Assam-ni Chief Minister Himanta Biswa Sarma-ni bimangko tarie so•aha aro uni agangipa kattarangna kemako bi•china dabiangtokaha.
Assam Mahila Congress-ni president Mira Borthakur-ni kobor ra•timgipa manderangna aganani gitade, Congress sorkarini somoio me•chikrang, sorkarini kamrangko man•namangmang an•tangtangni gunrangkon onataha ine Assam-ni Chief Minister, me•chikrangni kosako chonnike aganaha aro ian Assam-o kam ka•na gisiko nanggipa me•chikrangko chonnikani gita ong•aha.
Iani bidingo Assam-ni CM, adita kontarangni gisepon kemako bi•jagenchimode Assam a•dok gimikon jingjengatanirangko dakanggen ine mikrakataniko on•angengon, iani bidingo uamang, National Commission for Women-naba u•iataha aro CBI-chi inquiry dakchina dabienga ine Borthakur aganaha.
Me•chikrangni kosako iandakgipa kattarangko aganahani gimin Assam Pradesh Congress Committee (APCC)-ni ku•wattimgipa Happy Gogoi-ba, Assam-ni Chief Minister-ko raken jegalataha aro uni iandakgipa kamara kratcha•na nangani ong•a ine matnangataha.
Na·simang ia video-koba nina man·gen:
Na·simang iakoba poraina man·gen: Kolkata-ni hotel-o wa·al kamanichi sak 14 manderang sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
