Shillong, March 21: India a•songo me•chikrangko chelchakna dingtang dingtang niamrang donggenchimoba me•chikrangni kosako ong•gija dakanirang batroroenga ine Special Director General of Meghalaya police Smt. Nongrang me•chikrangni naljokanina agangrikanini tom•anio aganaha.
Umran-ni Police training school, ‘symposium on women safety’ ine bimingko done me•chikrangni kosako ong•gija dakanini bidingo chanchigrikani tom•aniko Shillongo ong•atangaha. Ia tom•aniko, Bureau of police Research and development, New Delhi Sombar salo State Convention Centre-o ong•atangaha aro Special Director General of Meghalaya police Smt. Nongrang mongsonggipa sokgipa ong•e bak ra•angpaaha. Me•chik aro bi•sarangni kosako ong•gija kam ka•anirang batroroengani gimin ia indakgipa programrangko ong•atna nanga. Indiao me•chikrangni aro bi•sarangni kosako kragija dakaniko komiatna dingtang dingtang niamrangko on•manahaoba, maming namgnian gri gita nika. Meghalaya a•dokde ma•gipachiko chatchi de•e me•chikrangko dal•e ra•gipa jat ong•achim, indiomangba me•chikrangni kosako kragija dakanirangko komiatna man•jaenga ine Nongrang aganaha.
Ia tom•anio Legal provision and latest amendment act relating to women and children on POCSO act 2012, prevention of sexual harassment at work place aro uandake drae til•ekanirangni bidingo sandirikkitani bidingrangoba chanchigrikangjolaha.
