Tura, July 10: Inter Mahari Football Tournament ba Maharirangni robol kal•susaanio me•chikrangni kal•susaanikoba Sombar sal dipet a•bachengataha, jeon Koksi aro Nengminja Maharini gisepo kal•susaangaha.

Kal•a a•bachengaonin dolgni me•chikrangan bilakbee susagrikahaoba kal•a matchotaonan goal-rangko chipgrikna man•jaha aro uandaken bon•kamao dolgnian penalty dokgrikna gita nangaha.

Penalty dokgrikanio changbrigipaona kingkingan dolgnian goal-rangko chipna man•jaha indiba bongagipaode Koksi dol, goal-ko chipna man•e Nengminja Mahariko cheangaha.

Ia apsan salon, me•asarangni gnigipa kal•anikoba ong•atangaha, jeon Kongkal Mahari aro Simsang Maharini gisepo kal•susaangenba, Simsang Mahari goal 3-ko aro Kongkal Mahari goal 2-ko chipna man•aha.

Meghalaya a•dokni Chief Minister Conrad K Sangma-ba Kongkal Maharini ong•e, ia robol kal•susaanio bak ra•na sienga ine jangbingbanganirangko knasona man•ahachim indiba ua kamtango choljokjae kal•anio bakko ra•epana man•jaha indiba Kongkal Maharina ua an•tangni namgipa skaniko on•atskaaha.

Uni ma•gipa Soradini K Sangma-ba Kongkal FC dolna chake ia kal•aniko nina re•bapaaha.
Ia Inter Mahari Football Tournament-ko ong•atanio Hub News-ba official media partner ong•e bak ong•paengachim.

Iakoba poraie nina man·gen: ECI-ni delimitation draft-ko jegale TMC-ni dilgipa konta 10-na okumu chake jingjengata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub