Tura, July 9: Salgro salaram a•dokrangna 41 Meghalaya Battalion NCC-ni gita Tura-o ong•atanggipa me•chikrangni Under-17 Pre-Subroto Cup Football Tournament ba robol kal•susaaniko Mongolbar salo, Tura-ni Dakkopgre-o donggipa PA Sangma Stadium-o matchotataha.
Ia Under-17 ba bilsi 17-ni ning•o ong•gipa me•chikrangni robol kal•susaanio gimik dol 8 NCC-rang bakko ra•angaha aro ia dolrangara Group A-o Silchar, Guwahati, Dibrugarh aro Tezpur aro unbaksana Group-B-o Kohima, Shillong, Jorhat aro ADG 11 dolrang ong•achim.
Final ba bon•kamgipa kal•anio, NCC Silchar dol, NCC Guwahati dol baksa kal•susaangenba, NCC Guwahati dolko goal 5-0-chi amchepataha.
Ia Pre-Subroto Cup Football Tournament-o chegipa ong•ahani gimin da•o NCC Silchar dol, New Delhi-o ong•atna sienggipa Subroto Cup Football Tournament-o salgro salaram jol gimikni pal bak ra•ena gita cholko man•aha.
Ia robol kal•susaanio Best Goalkeeper ba nambatgipa goalkeeper-ni boksisko NCC Dibrugarh-ni Oyit Pabin-na, Highest Scorer ba kal•a gimiko bang•bate goal chipgipani boksisko NCC Shillong-ni Nazareen Nongdhar-na aro Best Player-ni boksisko NCC Silchar-ni B Lalmingthangi-na on•angaha.
Ia robol kal•susaaniko ong•atani bidingo, NCC North East Region-ni ADG Major General Gagan Deep, Hub News baksa agangrikengon, ia kal•susaaniko chu•sokgipa ong•atna man•ahani gimin an•tangni kusi ong•aniko parakatenba, ia football tournament-o bak ra•gipa pilak dolrangkon mittelpilangaha.
Na·simang ia video-koba nina man·gen:
Na·simang iakoba poraina man·gen: Assam-ni chirikamrango chi pe•gimin pakmarangko Geo-mega tube technology-chi rikpilna a•bachenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
