Shillong, June 27: Meghalaya Energy Corporation Limited (MeECL)-ni chu•gimik bimang aro iani ning•o donggipa gipin company-rangko taridapna gita Sombar salo, Meghalaya Cabinet tik ka•e donangaha.
MeECL-ni chairman aro managing director-ni kamkoba Cabinet, ma•ekatna gita tik ka•e donangaha.
MeECL-na chu•gimik jako ra•e kam ka•gipa managing director (MD)-ko donani gimin chanchiangengon, ia MD-ni kamna niam gita seokgimin IAS cadre ba kamni gimin u•i-ma•sigipa ong•na man•gen ine Cabinet tik ka•angaha.
MeECL-ni MD ong•enggipa mandean, Meghalaya Energy Power Generation Corp Limited, Meghalaya Energy Power Distribution Corp Limited aro Meghalaya Energy Power Transmission Corp Limited-ni MDC ong•gen ine Cabinet tik ka•angaha.
Power Minister ong•enggipa mandean, MeECL-ni non-executive chairman ong•skagen indiba gipin damgittam company-ni dilgiparangde Chief Secretary, Additional Chief Secretary ba Power-ni Principal Secretary ong•skagen.
Meghalaya a•dokni Chief Minister Conrad K Sangma-ni parakatani gitade, batanggimin bilsi 50-ni gisepo dingtang dingtang kamrangko ka•na nangenggipa a•dok sorkarini official-rangsa MeECL-ko chalaina nange kamrangko name ka•na man•jaengani gimin MeECL-ko gital dake chalaina Meghalaya Cabinet kamrangko nipilangtaiaha.
