Shillong, May 15: All India Council for Technical Education (AICTE), a·dokni skanggipa sorkarini engineering college chong·motan Shillong Government College of Engineering rikaniko namnike ra·chakangaha. 2025, April 30-o segimin ra·chakani lekkako, Meghalaya sorkarini Principal Secretary of Education-na watataha. Ia college-ko East Khasi Hills-ni Mawlai Kynton Massar-o rikenba, North Eastern Hill University (NEHU), Shillong baksa nangdimatgen.
Civil Engineering aro Electrical Engineering course-rangko 2025-26 bilsio ge 30 seat-rang baksa a·bachengatgen, jeon 10% seat ba biaprangde Economically Weaker Sections (EWS) ba kangal cholgri-rangna a·kanggimin ong·gen.
Skotong Minister Conrad K Sangma, ian a·dokna namen ka·srokbegipa chu·sokani ong·a ine uni X (twitter)-o see parakataha.
AICTE, ia college-ko rikanio, skigiparangko ra·anio aro namgipa skia poraniko on·a rakgipa niamrangko ja·rikchina u·iatangan baksana ia college-ko a·bachengatna skang chong·mot authority-rangoniko ra·chakaniko ra·na nanggen aro nangana bate chatro chatrirangko ra·na man·jawa ba AICTE-ni bil on·a gri gipin university-rang baksa chaprimna man·jawa ineba u·iatangkuaha.
A·songni program-rang jekai Smart India, Hackaton, skigiparangna ATAL training program-rang aro chatro chatrirangni scholarship scheme-rang jekai Pragati, Saksham aro Swanath-rangoba bak ra·china ia college-ko didiataha.
Na·simang ia video-koba nina man·gen:
Na·simang iakoba poraina man·gen: Shillong-ni IT Park-o SIROBILT office-ko CM kulie on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
