Shillong, May 9: Meghalaya a·dok, buring bolgrimrangko ta·rake dikningatgipa Japan a·songni Miyawaki Forest Method ba niamko jakkale samtangtango donggipa ong·telaigiparangko naljoke rakkina kamrangko ka·enga. Japan a·songni botanist Akira Miyawaki-ni tarigipa ia niam-ko, Meghalaya-ni Soil and Water Conservation Department-ni dilanio a·dok gimiko mongsonggipa bol ge·ani project-rango jakkalengaha.
Bristibar salo, Skotong Minister Conrad K. Sangma, ia ja·ku de·anina chakpaaniko on·enba, East Khasi Hills-ni Ummir-o donggipa Mawsharoh-o 1.5 hectares a·arango ia Miyawaki niam-ko jakkalenggipa biapona re·ange nieaha. Meghalaya a·dokni dingtang dingtang biaprangni 25,000 hectares a·arango ia project-ni kamrangkoba a·bachengataha. Bang·a bolrangko den·e galani gimin Skotong Minister jajrengenba, tangsekgilgil buring bolgrimrangko ra·bapilna gita Green Meghalaya ingipa program-rangkoba a·bachengataha. Buring bolgrimrangko ripinganio dakchakaniko on·gipa manderangnaba sorkari, Payment for Ecosystem Services (PES)-ni bimungo tangka paisarangko on·enga.
Meghalaya a·dok, Garo Hills-o skanggipa changna ia Miyawaki forest-ko bilsi 3-na skang a·bachengataha. Jolo songdongenggipa manderang bolrangko ge·ani baksana uarangko nirok simsakanio dakchakanirangko on·enga. Ia method ba niam-ko jakkale ge·gipa buring bolgrimrang ta·rake chaa baksana bang·e simsakaniko nangja, balwarangkoba rongtalatna dakchaka, jikjaka ba gam·anirangko komiata, aro matburingrangna ma·chakanikoba on·a. Meghalaya a·dokni namgipa a·arang aro kragipa sina ding·ani a·sel ia buringrangna nambegipa biap ong·a.
Na·simang ia video-koba nina man·gen:
Na·simang iakoba poraina man·gen: Pakistan-oni sokbagipa jawilwat ba koborangko mesokjachina sorkari OTT aro online jawilwat watgiparangko ku·pattia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
