Shillong, Sept 16: Meghalaya a•dok sorkari, re•baenggipa 2031 bilsirango a•doko chi chimongchakram biaprangko dal•batatna miksonganio, dam 12 a•jarango chi chimongchakram biaprangko rikna gita crore 515 mangni gita tangka paisarangko jakkalna janapaniko dakangaha.
Meghalaya-ni Climate Adaptive Community-Based Water Harvesting Project-ni ning•o, External Aided Projects (EAP)-ni gita Asian Development Bank (ADB)-ni tangka paisani gita dakchakanichi, a•doko chi man•a neng•nikanirangko komiatna a•dok sorkari ia chi chimongchakram biaprangko rikna chanchisamsoanirangko dakenga.
Official-rangni u•iatani gitade, ia project-ko ra•baani miksonganiara on•gimin somoi chong•motan bilsi 2024-2025 aro 2030-2031 bilsirangni gisepo, dam 532 biaprangko sandienba chi chimongchakram biaprangko rikna miksonganian ong•a.
Iani gisepon, department-ni gita Umiew aro Ganol chisamrang jekon Water & Soil Conservation department jako ra•manahachim, uarangko naljokatna aro ripingani project-rangko iano man•chapja inenba u•iatangaha.
Indake ong•engon, forest department-ni gita a•doko donggipa bang•a biaprang jekai Shillong-ni Riat Laban Reserve Forest, Laitkor Protected Forest, East Khasi Hills-ni Mawphlang Reservoir, Mairang C & RD Block-ni ning•o donggipa Khri chibima, Garo Hills-ni Nokrek Biosphere Reserve, Ri-Bhoi a•jani Umiam Water Reservoir, East Jaintia Hills a•jani Umphung chibima aro West Jaintia Hills a•jani Myntdu chibimarangko am•sandie nianiko dakenga.
Soil and Water Conservation department, PHE department baksa apsan bakrime kam ka•ani bak gita, Shillong songjinmani ning•o tipangenggipa chirang chong•motan Mylliem block-ni Umpaitmaw aro Mawpat Block-ni ning•o donggipa Madan Saisiej-ni chibimani chirangko ripingna aro gital dakatpiltaiani kamrangko jako ra•anggen.
Uasan ong•aigija, u•iatani gitade a•dok sorkari MBMA ba MBDA-ni gita chiring chibisikrangko ripinge rakkina aro naljoke rakkiani dingtang dingtang kamrangkoba a•bachengataha.
Chiring chibisikrangko ripingna ja•ku de•anio mongsonggipa kamrang jekai, biaprangko re•ange nieani, drone-rangko wate chi bang•a banggijanirangko niani aro chiring chibisikrangko tange rakkiani cholrangkoba chanchisamsoanirangko dakangaha.
Na·simang ia video-koba nina man·gen:
Na·simang iakoba poraina man·gen: Gambegre by-election-o NPP aro TMC dolni gisepo susagrikbatgen: Rakkam
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
