Shillong, July 9 : Meghalaya a•dokni Education Minister Rakkam A. Sangma, pilak Government-aided skul aro college-rango skigiparangko kamna ra•anio roster system-ko jarikanggen ine parakataha.
Higher education-o da•o ge 800 gapatna nanggipa biaprang dongkuenga ine aganengon, re•baenggipa sal somoirango ge 400 biaprangko gapatanggen ineba education minister aganangkuaha.
A•chik Conscious Holistically Integrated Krima (ACHIK) dolni, reservation roster-ni gimin nipiltaianiko dakchina mikrakataniko sal 7-na somoirangko on•ani antisa jaman ia parakataniko on•ataha. Ia nipiltaianiko dakchina mikrakataniko on•anio, pilak sorkarini office-rango, department-rango aro educational institution-rangoba Roster System-ko ra•gataniko nipiltaianiko dakchinaba dabianiko dakangaha.
A•dok sorkari, State Reservation Policy-ko rakkina chongmotan A•chikrangna 40% -ko, Khasi-Jaintia-rangna 40%-ko, 5%-ko gipin tribal jatrangna aro 15%-ko general category-na chamgiminko rakkina man•a pilak department aro institution-rangoba kamna ra•anio roster system-ko a•bachengataha.
Iani bidingo, mongsongbate Khasi Hills-oni 1972 bilsio a•bachengatgipa State Reservation Policy-ko nipiltaianiko dakchina gita ku•rangrangko on•angaha. Iani gisepon, A•chik jatrangba uamangna on•gimin 40% bakrangko chu•gimik man•jaenga inenba a•kangataha, haida uamang iani gimin name u•ijakon ba indake ong•ja ong•ode skangnin ia niamko tik ong•e ja•rikbajaengakon.
Sorkari ong•enba iarangko knachake nion dingtang dingtang dake chanchina nang•aona ga•akatahani gimin, Meghalaya High Court-oni on•gimin ge•etaniko ja•rikenba, kragipa sakprak tribal jatrangnan ge•prak seat-rangko on•a man•a gita pilak department-rangon raken ia roster system-ko a•bachengatna tik ka•ataha. Bilsi 50-ni gisepo Khasi jatrangni jelbra jelsuani namen baridapaha indiba uamangni quota-ko Jaintia jatrang baksa sualna nangkuenga aro indake Khasi-rangde komibea seat-rangkosan manaiengaha inenba Khasi jatrang suk ong•jaenga.
Na·simang ia video-koba nina man·gen:
Na·simang iakoba poraina man·gen: Manipur a·doko tom·tomaniko ong·atpilna Parliamento Rahul Gandhini ku·rang on·aniko Meitei aro Kukirang nangnika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
