Shillong, Mar 19: Meghalaya a•doko bilsiantian achak chikani case-rang batroroenga, jeon, ming 5302 case-rang 2022 bilsio aro 9611 case-rangko 2023 bilsio nikna gita man•aha. Indake iarangoni, East Khasi Hills a•jao, 2022 bilsio 2512 aro 2023 bilsio 5085 achak chikani case-rangko bang•bate man•soaha.
Rabies ba achak chikanichi man•gipa sabisi mandeni janggiko siatna man•a, indake ong•genchimoba ia sabisiko 100% mangni gita chel•chaksonaba amskaa. Achak chikanichi mata buako man•genchimode ua mande rabies sabisiko man•a altua jeni a•selan, mandeni taning aro janggil bolgroko nosto ong•atna ama. Uni gimin achak chikanichi mata buaniko man•ode aro ua pariko achak cha•srakgenchimode, bakan mata man•gipa biapko jokenggipa chichi sabon on•enba su•galna nanga aro sepangbatgipa health centre-rangon sanna bannaniko ra•na ba prophylaxis vaccine-ko su•na nanga. Ia chikgipa achakko doke ba so•ote galgija sal 10-na nina gita nanga aro jako ra•e kam ka•enggipa authority-na, ia a•selni gimin u•iatna nanga.
Indake, East Khasi Hills a•jani District Joint Steering Committee on Rabies Elimination, District Administration, Health Department, Veterinary Department, Shillong Municipal Board, NGO HUFAN aro Dorbar Shnongs nangrimenba, 70% Anti Rabies Vaccination-ko man•a mangsongenba, Rabies sabisini gimin u•iataniko on•an baksana, achakrangna indin vaccine ba tikka su•aniko, Shillong songjinmani dingtang dingtang jolrango, batanggimin March jani 11 tarikoni sal 6-na kingking ong•atangaha. Indake, ia sal 6-ni Programme-o mang 631 achakrangko vaccine ba tikka su•aniko dakangaha.
Na·simang iakoba poraina man·gen: BJP-ni roadshow-o skulni bi•sarangko bak ra•atanina inquiry-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
