Tura, May 25: A•dokni Skotong Minister Conrad K Sangma, Meghalaya a•dokko, 10 Billion US Dollar Economy ong•atna miksongenba gong crore 8,000 tangkarangko private project-na koros ka•gen ine Sukrobar salo, Human Development Leadership Programme-ko Tura-o ong•atani somoio parakataha.
Ia korosko ka•enganiara, a•doko nengrae bading chiwalaniko dakna man•a gita gitalgipa industrial policy-ko bikotani ong•enga. Batanggimin somoio, ia system namen somoi cha•gipa aro ta•rake matchotnagipa ong•ja ine nikenba investor-rang ia project-na koros ka•na ka•dongjaha, indake ong•genchimoba, ia gitalgipa policy-o gipin investor-rang ka•dongen donsogimin somoi gita kamrangko chu•sokatna dakchakaniko on•gen ine ua aganangaha.
Batanggimin bilsio, gong crore 4,000 mangni gita a•dokna korosrangko ka•aha jekai, 450 Megawatt bijoliko watna man•a gita gong crore 2,500 tangkarangko Thermal power plant-na koros ka•aha aro unbaksanaba Ethanol Plant aro five star hotel-ko rika cho•ani kamrangnaba koros ka•aha. Una agreba, a•doko IT connectivity ba network-rangko chalaianio ta•rakbatatna miksonge, Malaysian aro Bangladesh telecom baksa, submarine cable line ba chi ning•a gita cable-rangko salna sorkari chanchirimenga ineba ua parakataha.
Bading chiwalaniko tang•doatna aro chadamberangna cholrangko on•bate kamrangko on•a miksonge, Shillong-ni Sohrah aro Umiam-o five star hotel-rangko riknagipa aro Tura-o three star hotel-ko riknagipa private project-ni bidingoba ua talate on•angaha.
Unbaksana, gnigipa phase-ni Shillong IT Park-o sak 3000 chadamberangna kamrangko on•gen ineba ua janapataha.
Batanggimin bilsi 5 mangni gisepon, sorkari dingtang dingtang bakrango jekai, education, health, power aro songadam nokadamrangko silroro namroroatani kamrango nirokbatenga ine aganan baksa, bi•sa an•pakani somoio sianggipa ma•giparangni rate namen tang•doenganiko nikna man•engani gimin, bi•sani aro ma•ani an•sengbaljokanina kamrangko ka•engaha ineba Skotong Minister parakataha.
Una agreba, jako ra•e kam ka•enggipa official-rangba manderangna nambata janggi tanganiko on•a man•a gita, nama miksongani aro niksamsoa gnang kamko ka•na nanga ine official-rangko didiataha.
Na·simang ia video-koba nina man·gen:
Na·simang iakoba poraina man·gen: Chiring chibisikrangko rongtale rakkina gita pilakkon ku•monge kam ka•china CM didia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
