Shillong, Feb 20: AI-ko jakkale Meghalaya a•doko karini dingtangrorobaaniko maikai champengna gita man•gen uko nina gita, India aro UK-oni karini dingtangbaroroani gimin namen u•i-ma•sigipa dolrang, niam reti-rangko tarigipa aro am•sandigipa dolrang apsan nangrime kamrangko ka•enga. February jani 18-19 tarikrango British High Commission, IIM Shillong aro Meghalaya sorkarini-ni IIM Shillong-o ong•atanggipa workshop-ona uamang tom•batokaha.
British Deputy High Commissioner Andrew Fleming, UK aro India a•song, mikkangchi janggi tanganio tangsekgilgilgipa buring bolgrimrangko ong•atna gita UK-ni karini bidingo u•i-ma•sigiparangko India a•songoni u•i-ma•sigipa dolrang baksa chaprimenba kamrangko ka•enga ine u•iatangaha. UK-ni nambatsranggipa institution-rang jekai UK Met Office, Oxford aro Leads ingipa university -rangoni u•i-ma•sigipa dolrang, AI-ara maikai karini dingtangrorobaani gimin mikrakataniko aro pangkamanirangko ra•bana dakchakaniko on•a gita man•gen uni bidingo chanchirimaniko dakangaha.
IIM Shillong-ni Director Prof. D. P Goyal, karina tarisamsoanirang baksana chirangko ripinganio aro bilrangko jakkalanio AI maikai dakchakaniko on•a gita man•gen uni gimin u•iate on•angaha. Gipin u•i-ma•sigipa dolrangni aganani gitade, AI, karini gimin poraienba songo noko donggipa manderangna rang•gitik mikka bitchi ga•akanirang aro ong•telaigipa obostarangchi nang•chakeako man•ani gimin u•iate dakchakanirangko on•a gita man•skagen.
UK aro India, karini dingtangrorobaani, tangka paisa, cybersecurity ba online gita cha•bokaniko champengna aro sana banani kamrangna jakkalna gita AI-na Joint Centre-ko tarienga. Ia tom•bimonganio, India-ni Salgro Salaram jolrango karini dingtangrorobaani a•sel neng•nikanirangko man•ani, AI-ni gita am•sandiani aro a•song damgnini jakkaltobegipa changa sapa bida budini giminba chanchirimaniko dakangaha.
Na·simang ia video-koba nina man·gen:
Na·simang iakoba poraina man·gen: Mission Shikshit Arunachal-ko a•doko ra•gatchina Arunachal Pradesh Cabinet Edu Dept-ko ge•eta
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
