Khliehriat Sept 14: Sukrobar salo, Meghalaya Assembly-ni environment committee, East Jaintia Hills-ni cement aro coke plant karkanarangko nirokeaniko dakenba, tangka paisa ra•baani kolrangko kuliengon samtangtango donggipa sambolrangkoba ripingna gita nangchongmota ineba aganangaha.
Chairperson Wailadmiki Shylla-ni dilanichi ia Meghalaya Assembly Commitee-ni member-rang baksa sak 3 MLA-rang chong•motan Mayralborn Syiem, Sosthenes Sohtun, Santa Mary Shylla, member C P Marak, kamoni neng•takgimin Dr. W. Ryngkhlem, district official-rang aro Meghalaya Assembly official-rangba re•angpaaha. Ia karkanarang maikai samtangtango donggipa ong•telaigiparangna nosto ong•aniko ra•baengachim uko nina miksonganio ia nirokeaniko dakeaha.
Lumshnong-ni cement karkanaona re•ange nianio, karkanarangko chalaianio samtangtango donggipa ong•telaigiparangko nosto ong•atjana gita nirokaniko dakchina gita committee dolsako don•na nangchongmotani gimin Shylla aganangaha.
Committee-ni member-rang, iano bak nanggipa line department-rangko a•doko niamgri aro niamni gita chalaienggipa rong•chun aro ro•ong bikotgiparang aro baita dam coke plant ba karkanarang donga uko che•em che•em u•iatchina aro coke plant-o jakkalenggipa raw material-ni giminba u•iataniko on•china gita ge•etaniko on•ataha.
Iasan ong•aigija, ia coke plant ba karkanarango kam ka•enggipa manderangni an•seng baljokani bidingoba simsak nirokaniko dakchina ge•etaniko on•an baksana, pangnan an•seng baljoke dongna man•a gita be•enrangko porikka ka•e nianiko dakchinaba, Shylla u•iatangaha.
Ia jolo chemical engineering, civil engineering aro gipin a•bao degree man•gimin bang•a chadamberang gnang, uni gimin anga karkanarangni nokgiparangkon ia jolni chadamberangko rakkianiko dakchina gitaba, Shylla didianiko dakangaha.
Indake ong•engon, ia karkanarangko chalaianichi balwarangni rongtala rongtalgijani bidingo jajrenganiko parakatengon, salantio balwa rongtala rongtalgijaniko nichokianiko dakna nangchongmotani gimin aganangan baksana, Meghalaya State Pollution Control Board-oniko balwa rongtalaniko niani gitalgipa report-koba on•china gita didianiko dakangaha.
Samtangtango ong•telaigiparangko ra•dona CSR-ko jakkalani gamchatani bidingo aganengon, Sosthenes Sohtun, ia karkanarangoni mittamrang a•dokni chadamberangna nambegipa janggi tangani cholko on•anina rasong on•e aganangaha.
Uasan ong•aigija, ua rong•chun bikotanirangko dakani a•sel samtangtango donggipa sambolrangna kenchakna nangani bidingo gisiko suk ong•gijaniko aganengon, rong•chun bikotanio bak nanggipa department-rangko mikkangchi iandakgipa samtangtango donggipa sambolrangna nosto ong•aniko ra•bajana gita niamrangko donchina gita didiangaha.
Committee-ni saksa member, Mary Shylla, samtangtango donggipa buring bolgrimrangko skango gita apsan ong•atpilna nangchongmotani gimin aganan baksana rong•chun bikotgipa kuari aro karkana sambarango bolrangko ge•china gita didianikoba dakataha.
Na·simang ia video-koba nina man·gen:
Na·simang iakoba poraina man·gen: Dibrugarh University-ni research ka•giparang nekgipa chibimarangoniko bijoli chalaiani kolko bikotgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
