Shillong, June 10: Meghalaya a•dokni Bharat Scout & Guideni Strategic planning Review meetingko June jani 9 aro 10 tarikrango Scout & Guide headquarter Shillongo ong•atangaha. Ia tom•anio Meghalaya a•dokni pilak districtrangoni commissioner rang jekai, District Organizing Commissioner, District Scout Guide Secretary aro gipin dilgiparang re•bae bak ra•eaha. Ia tom•anio mikkangchi maikai Scout & Guideko da•ona bate tang•doatna aro namdapatna man•gen uarangni gimin chanchigrikangaha. Tom•anio State Secretary W. Lyngdoh aro state Commissioner K Kharkhongor mongsonggipa sokgipa ong•e bak ra•angpaaha. Scout & Guide ara chadamberangna aro chatro-chatrirangna namen dakchakaniko on•chongmota aro ian skia-poraosan ong•aigija changa-sapaniko, mande ra•aniko aro songsalo name janggi tanganiko skianiko on•a ine state commisioner tom•ao aganaha.