Shillong, Sept 5: Meghalaya Congress dol Bharat Jodo Yatra-ko Kanyakumari oni Jammu and Kashmir-ona September 7 tarikoni a·bachenganggen ine parakataha.
Ia yatra ba rejomaniko dakani somoi-o India asongni mongsonggipa neng·nikanirangko chagrongenggiparangni bidingo agangrikanrangkoba dakjolanggen ine Assam Pradesh Congress Committee-ni agipe aro General Secretary Bobbeeta Sharma parakangaha.
Yatra ba re·jomaniko dakanio 3500 km-mangko sal 150-ni gisepo sokatgen aro iako dakani miksonganian congress-ni mongsonggipa dilgiparangona a·songo songdonggipa manderangni nangnikaniko sokatani ong·enga ine Bobbeeta Sharma aganaha.