Shillong, May 10: Deputy Chief Minister in-charge Home (Police), Prestone Tynsong, Meghalaya a•dokni DGP-na kragipa aro nambatgipa Officer-ko sorkari seokgen ine Sukrobar salo parakataha.
Kobor ra•timgiparang baksa agangrikengon, Deputy CM, sorkarini gita chanchirimaniko dakenba ECI-na seokgimin manderangni bimungrangko on•atmanaha ine aganaha.
Indake, ia post-na sak 5 manderangni bimungrangko baseaha, uarangoni, saksa Assam-ni DGP ong•enggipa ong•a aro sakgipinba Assam-ni mongsonggipa kamko jako ra•e kam ka•engani gimin, Meghalaya a•dokni DGP-ni kamko ka•na gisiko nanggijaniko parakataha, indake, da•ode sak3 Officer-rang gnang aro uamangoni saksade I Nongrang ong•a ine ua janapataha.
Voice of People’s Party (VPP) aro Bharatiya Janata Party (BJP) dolrang, I Nongrang-ko Meghalaya-ni gitalgipa DGP-na seokchina ine dabiengon, sorkarini Senior Officer-rang ba Chief Secretary ba DGP-ni kamna rakkianio ba gipin biapona watatskaanirango, pilakkon name chekchenganiko dakani jamanosa kragipa aro nambatsranggipa officer-ko sorkari seokgen ine Tynsong aganaha.
Na·simang ia video-koba nina man·gen:
Na·simang iakoba poraina man·gen: Umiam-oni Malidor-ona four-lane ramako tarina survey ka•ani matchotangengaha: Tynsong
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
