Shillong, May 15: A•dokni Skotong Minister Conrad K Sangma, batanggimin somoio official garina on•gipa registration number-ko an•tangni gario jakkalsreta ine Director General of Police (DGP), Lajja Ram Bishnoi-ni kosako badi ka•ani bidingo, uni kamoni neng•take dongani somoioba am•sandiako dakangkugen ine aganaha.
Indake, je somoion badi ka•anirang sokbaa, jedakgipa mandeni kosako ong•genchimoba, niamo pangchake jedakgipa dakna nanggnirang ong•genchimoba jarikgen ine ua agandapataha.
May 9 tariko, Meghalaya Police-ni Assistant Inspector General (AIG), GK Iangrai, je official garina registration number-ko on•ahachim, ua gari number-ko an•tangni garina jakkalsreta ine matnangenba DGP-ni kosako FIR ka•doahachim.
Indake ua, iani bidingo Sadar Police Station-o, May 19 tariko Bishnoi-ni retire ong•nasiengon badi ka•aha.
Iani gisepon, DGP Bishnoi, uni kosako badi ka•aniara gitcham AIG, Iangrai-ni kam ka•engmiting somoio, uni ong•gija dakanina kam dontongatako man•ahani giminsa uni kosako a•jak sokpangpilna miksonge ia FIR-ko ka•aha ine janapenba Meghalaya High court-na sedoatahachim. Indake ong•genchimoba, niamko sakantinan dakahani gimin je badi ka•aniko man•soaha, iani bidingo mokordomako segataha aro am•sandianikoba dakanggen ine CM Conrad parakatskaaha.
Na·simang ia video-koba nina man·gen:
Na·simang iakoba poraina man·gen: Dominic Megam Sangma-ni tarigipa “Rapture” jawilwat-ko French Cinema-o me•sokanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
