Tura, Jan 11: Meghalaya Games 2024-ni U-18 me•sa dolni robol kal•susaaniko, da•al saloni a•bachengataha. Skanggipa, South Garo Hills District dol baksa South West Khasi Hills District dol kal•susaangaha.
Ia skanggipa changna kal•susaanio, Meghalaya State Olympic Association (MSOA)-ni Working President, John Kharsiing, bakko ra•enba kal•susagnigipa dolrang baksa agangrikaniko dakangaha aro uamangna nama skanikoba on•angjolaha.
Indake, ia kal•susaanio skanggipa neng•takani somoiko on•a skang, South West Khasi Hills District dolrang goal-2 ko chipaha aro South Garo Hills District dolrang goal-1 ko man•skaaha.
Ia kal•susaanio, neng•takani somoiko man•ani jamano kal•angtaion, South West Khasi Hills District dolrang goal-4 ko chiptaiaha, indake South Garo Hills District dolrang, kal•susaani somoi matchotaonan goal-1kon man•e dongaha.
Bonkame, South West Khasi Hills District dolrang, South Garo Hills District dolrangni kosako goal-6 ko man•enba, gipin round-ona doangaha.
Iakoba poraie nina man·gen: Kamrupni saliram jolo mongma kal·akani salsabatbat batroroa; salbrini gisepo sak 2ko kal·aka
Watch
