Ampati, Feb 24: Meghalaya Koch Association (MKA), chang 55-gipa Annual Conference-ko February 21-23 tarikona South West Garo Hills a•jao ga•akgipa Garobadha-ni Dumnigaon-o ong•atangaha.
Ia tom•anio jatni dakbewalo maniani, songsalo mikrakatani aro ku•siktangko ripinge rakkiani bidingo chanchirimaniko dakangaha jeon, songsalo dilgiparang, scholar-rang aro Nepal aro gipin a•dokrangoni niksenggipa manderang bak ra•angaha.
Una agreba, Meghalaya Koch Association, Koch Krorang Mathop (Koch Literature Society), Meghalaya Koch Students Union aro Meghalaya Koch Women Welfare Association-ba dongpae bak ra•angaha aro uasan ong•aigija dingtang dingtang a•bao chu•sokgiparang chong•motan, MCS officer-na gital ong•e seoka man•gipa Ashish Koch, NCC gold medalist Rohesh Koch, Koro Gochongni film-ko tarigipa Pranami Koch, Harolyn Koch Shadap aro Dhiras Banai Koch-koba uamangni ja•wilatko tarianio on•gilpaahanina mitelpilskaani gita mande ra•aniko dakangaha.
Ia tom•bimongani skanggipa salo, social awareness-ni bidingo talate on•angaha, gnigipa salni bako, Nepal, West Bengal aro Assam-oni dilgiparang baksa bakrime kam ka•ani bidingo chanchirimaniko dakangaha aro bon•kamgipa salni bako, uamangni jatko gimaatjana gita Koch ku•sikko ripinge rakkiani gimin aro tang•doatani bidingo chanchirimangskaaha.
Indake, ia tom•anio ‘Champani’ jawilwatkoba mongsonggipa sokgipa MLA Subir M Marak-ni jakchi oprake on•angjolaha.
Na·simang ia video-koba nina man·gen:
Na·simang iakoba poraina man·gen: JHADC-ni gital EC-ko NPP chalaigen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
