Ampati, Dec 14 : Meghalaya Bharat Scouts & Guides, South West Garo Hills unit-ni gita, chadamberangna didianiko on•a, dilgipa ong•aniko tarina, ku•cholsan ong•aniko ra•dona, gital chanchibewalanirangna didiani baksana jatni dakbewal rikbewalrangko gamchatnikaniko u•iatna miksonganio, December 12 tarikoni December 14 tarikona annual get-together program-ko ong•atangaha.
South West Garo Hills-ni Zikzak C & RD Block-ni ning•o ga•akgipa Boldamgre Government Upper Primary School campus-o sal 3-na ong•atanggipa ia program sonibar-o matchotangaha.
“Our Thriving Future,” ingipa katta bichongko donne ia program-ko ong•atanio, sak 35 Scouts-rang, sak 70 Guides-rang, sak 10 Rovers-rang, sak 12 Rangers-rang aro sak 8 staff member-rangko man•chape sak 135 bak ra•giparangko nikna gita man•aha.
Ia program-ko ong•atani 2-gipa salo, Mahendraganj Constituency-ni MLA, Sanjay A Sangma, mongsonggipa sokgipa ong•e bak ra•angpaaha. Ua tom•anio aganengon, dal•drobaenggipa bi•sarangko niamko rakkigipa aro daito-ko jako ra•e kamko ka•gipa ong•atna dakchakanina Scouts aro Guides-rangko de•mittele aganangaha.
Ia sal 3-na ong•atanggipa program-o dingtang dingtang susaanirang jekai, me•dik sam•dikgri song•susaani, sing•anirangna aganchaksusaani, jatni gitrangko ring•susaani aro chroksusaani baksana noksa salsusaani aro rong nongsusaanikoba ong•atangaha. Ia program-ko, District Secretary Pular D Shira aro District Organizing Commissioner Debarson A Sangma-ni dilanio ong•atangaha.
Jolo git ring•na sapbegipa, Silberth Abrio Sangma-ni git ring•anichi ia program-ko ong•atani bon•kamgipa walko an•saobatataha. Dingtang dingtang susaanirango chegiparangna MLA Sanjay A Sangma-ni jakchi boksis-rangko on•e ia program-ko matchotataha.
Na·simang ia video-koba nina man·gen:
Na·simang iakoba poraina man·gen: U-23 Men’s State A Trophy-o susana M’laya dol tarisamsoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
