Delhi, Feb 20: Meghalaya a•dokni Skotong Minister Conrad K Sangma, bilsi karini dingtangrorobaani a•sel neng•nikaniara samtangtango donggipa ong•telaigiparangsan ong•aija indiba ian mikkang nitea gri kakket bichalko on•anikoba miksonga ine aganangaha. New Delhi-o aganprakatengon, moila banggija ong•atgipa manderangsa ia bilsi karini dingtangrorobaani a•sel nangchakeako man•batgiparang ong•a ine ua janapataha.
Meghalaya a•dok, ma•gitcham pagitchamrangni ripingani dakbewal gita aro jolo songdonggipa manderangni dakchakanichi maikai ia bilsi karini dingtangrorobaaniko dingtangatna gita kamrangko ka•engachim ua talate on•angaha. Buring bolgrimrang, chiring chibisikrang aro samtangtango donggipa ong•telaigiparangko chel•chakna gita, a•dok sorkari Green Meghalaya aro Payments for Ecosystem Services (PES)-rangko a•bachengate on•angaha.
Bilsi karini dingtangrorobaani a•sel maikai rang•gitik mikka waani, sinna ding•anirang, ong•telaigipa obostarangchi duk a•sel ong•anirang baksana gama ge•ani aro kam ka•e cha•anirango neng•nikanirangko man•achim uarangni gimin janapangenba, Salgro Salaram jolo donggipa a•dokrangko apsan kamko ka•na nanga ineba u•iatangaha maina a•dok damsao karirang dingtanganiko man•genchim ong•ode gipinrangba nangchakeako man•pana altua.
Raongtalgipa bil, samtangtango donggipa ong•telaigiparangna nisianiko ra•bagijagipa gama ge•anirang aro mangrakgipa rika cho•ani kamrango koros ka•ani bidingo Sangma aganangaha. Uasan ong•aigija, BIMSTEC-ni gita Asia-ni Salgipeng aro Salgipeng Salaram jolrango donggipa a•songrang baksa bakrimna nangchongmotani giminba ua agandapangkuaha.
Meghalaya a•doko gue pangrangni siangani bidingo mikrakataniko on•angan baksana pangkamgipa game ge•e cha•aniko dakna nangchongmotani giminba ua gisiko nangbate aganangaha.
Meghalaya a•dok sorkari aro National Law University Meghalaya, bilsi karini sinna ding•anina tangka paisa chimongani, green project-rang aro ku•mong nangrimanina chakpaaniko on•a gita ia tom•bimonganiko ong•atangaha aro bilsiantin ia tom•bimonganiko Shillong songjinmao ong•atangkugen.
Na·simang ia video-koba nina man·gen:
Na·simang iakoba poraina man·gen: Arnunachal-ni sima ari sambao China a•songni dam 90 songrangko rikanina India-ni chel•chakgipa dolrang jajrengsoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
