Shillong, November 13: Meghalaya a•dokni Debasmita Dutta, re•baenggipa November jani 17 tarikoni Jharkhand-ni Ranchi-o BCCI-ni ong•atenggipa Senior Women’s T20 Challenger Trophy-o India C dolna kal•na gita seokako man•aha.
Shillong, Rynjah-o songdonggipa Debasmita, chononin cricket kal•na namnikbegipa ong•a. Uni cricket kal•na a•bachengmitingode, Meghalaya a•dok BCCI-ni chu•gimik member ong•kujachim, indake uni Bengaluru-ona jitanga jamansa uni cricket kal•na sapanichi Karnataka-ni junior team-na seokako man•chengaha. Meghalaya a•dok jensalo chu•gimik membership-ko man•a, uni jamansa robol dokna aro robol gona sapbegipa, Debasmita a•doktang Meghalaya-ona re•bapilaha. Da•o ua team-ni a•gipi batgipa cricket kal•gipa ong•enga aro uni kal•aniko darangan namnika baksana da•o uni India C team-o seoka man•ani bang•a gipin me•chikrangna didiani ong•gnok.
Adita salrangna skang, Ri-Bhoi a•doko ong•atanggipa Northeast Interstate Friendship T20 Tournament-o ua Player of the Tournament title-ko man•angan baksana, batanggimin June jao, North East Cricket Development Council-ni annual awards-ko ong•atanio award-ko man•paaha.
Debasmita, Bengaluru-ni National Cricket Academy-oni Level A coaching-ni certificate-ko man•giminba ong•a. Ua bang•bea national camp-rango bak ra•genchimoba, cricket-ni chugipa gadangona sokdona gita man•kujaengachim. Batanggimin chango, Meghalaya a•dokni Ajima Sangma-ba India A team-na seokako man•ahachim indiba kal•na gita man•jaha.
Meghalaya aro Salgro Salaram jol gimikni manderang baksana, gitcham cricket kal•giparang, coach ba skigiparang aro una chakpagiparang una nama skaniko on•ataha. Meghalaya Cricket Association (MCA)-ni President, Nababrata Bhattacharjee, uni chu•sokanina kusi ong•aniko parakengon, Team India ba Women’s Premier League Team-na seokaniko man•a gita ua name kal•angchina ine aganangaha. MCA-ni Secretary, Gideon Kharkongor, Debasmita-ni Shillong Cricket Academy-o ong•mitingo uni kal•a namroroaniko mikrontangchi nikgipa, uni gisiko nange aro on•kange kal•anina rasong on•e aganangan baksana uni India C team-na seoka man•ani chadambe me•chik cricket kal•gipa sakantinan didiani ong•gen ineba aganangkuaha.
Na·simang ia video-koba nina man·gen:
Na·simang iakoba poraina man·gen: Mawshynrut constituency-ni dam 21 songrangko Rambrai constituency-o napataniko jegalgrima
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
