Shillong, Nov 20: Meghalaya-ni Eman Asakgre Community Reserve-oniko, Raorchestes asakgrensis minggipa gital rokkomni beng•blokko man•aha. Ua jolo donggipa manderangni sambolrang aro chiring chibisikrangko ripinge rakkina gisiko nanganiko mande ra•ani gita ia songni bimungko ra•chape ia beng•blokni bimungko donaha inenba am•sandigipa dolrang uamangni nakatatgipa Herpetozoa-o see parakataha.
Am•sandianiko dakgipa dolrang chong•motan, R. S. Naveen, S. R. Chandramouli, S. Babu, A. M. Ryndongsngi, P. V. Karunakaran aro Honnavalli N. Kumara maang, 2020 bilsioni 2022 bilsiona, Khasi aro Garo Hills-ni biaprango am•sandianiko dakanio, 1919 bilsio George Baulenger-ni serikana agre chong•motan bilsi 100-na batpile nika donggijagipa rokomgni beng•blokrang chong•motan Raorchestes garo aro Raorchestes kempiae-ko man•aha.
Raorchestes garo-ko Daribokgre Community Reserve-oniko aro Raorchestes kempiae-ko Mikadogre Community Reserve-oniko man•skaaha.
Ia Raorchestes asakgrensis minggipa bolo donggipa chongipa beng•blokko 174 meter mangni chuaoniko man•aha, ianoni rokkomsako mikkang ro•chokanina aro wachi karini somoirango dingtange mikoanina u•itoka aro rokomgipinkoara jako gitchakmrang dakan baksana rimit rongchi oko su•tota gnang bimangna u•itoka.
National Mission on Himalayan Studies aro Stiftung Artenschutz Amphibian Conservation Fund-ni dakchakanichi ia am•sandianiara, samtangtango donggipa sambolrang aro chiring chibisikrangko tange rakkina gita songni ripinge rakkienggipa bol wa•arangko naljoke rakkina nangchongmotaniko mesokan baksana jolo songdonggipa manderangni chiring chibisikrangko tange rakkianio ku•cholsan ong•e kam ka•anirangkoba mesokaha.
Na·simang ia video-koba nina man·gen:
Na·simang iakoba poraina man·gen: Wa•al so•a man•gipa me•chikmako NCW grongea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
