Shillong, April 2: Balpakram National Park sambao donggipa Narang Wari Village Reserve Forest (VRF)-o Wildlife Trust of India (WTI) Garo Green Spine Project team-ni donue donenggipa camera ba noksa ra·gipao nikronggijagipa Binturong ba rokomsa matchuriko nikenba sam-tangtango donggipa ong·telaigiparangko tange rakkigipa dolrang namen an·saobeaha.
Ia Narang Wari VRF-ara 350 hectare mang ong·gipa buring ong·a jekon Garo Hills Autonomous District Council (GHADC)-ni gita buringni matburing aro sambolrangko naljoke rakkina inenba re·anggipa bilsio Village Reserve Forest ine parakataha. Ia Binturong ba rokomsa matchuriara, matchuri dolrangoni dal·batgipa jat ong·a aro ian bitchilrangko giproroatenba buring bolgrimrangko ta·rake dal·rorona dakchaka. Indake ong·engon, uamangni dongram biaprangko nosto ong·atan baksana goe cha·ani ba noko jilna gita palna rim·ani a·sel ia rokomsa matchuri gimaroroangengaha.
Garo Hills-o mang 800-oni 1000-ni mangni gita mongmarang donga jeoni bang·batakon jolo songdonggipa manderangsa nirok simsakaniko dakbaenga aro bilsi 20 ong·na am·pile WTI aro GHADC, buring bolgrimrang aro do·o matrangko naljoke rakkina gita World Land Trust, HCL Foundation, Dr. Reddy’s Laboratory-rang aro jolo songdonggipa manderang baksa apsan kamrangko ka·baenga.
Garo Green Spine Project, buringni matburingrang jakgitel ong·e re·ramna man·a gita buringrangko nangdimatna kamrangko ka·enga. Uamang bang·bata naljokgipa buringrangko ong·ate, game ge·e cha·anirangko ra·bapile, ong·telaigiparangni gimin skie on·aniko dake, sam-tangtango donggipa ong·telaigiparangna nosto ong·aniko ra·bagijagipa kamrangko on·an baksana am·bol bang·e jakkalna nanggijagipa stove-rangko jakkalate aro an·tangtangni chu·sokani golporangko agane ia kamrangko ka·baenga. Ian sam-tangtango donggipa ong·telaigiparang aro jolo songdonggipa manderangnaba dakchakani ong·a.
Na·simang ia video-koba nina man·gen:
Na·simang iakoba poraina man·gen: Dalmia Bharat Foundation, Meghalaya-o 2-gipa DIKSHa Centre-ko kulie on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
