Guwahati, Mar 21: Meghalaya a·dokni Laitkor Sub-Center Health and Wellness Centre, a·doko naljokgipa sanna bannaniko on·a man·a gita mercury grigipa ostro-rangko jakkale manderangna sanna bannaniko on·enganina Mercury-free Centre ine donako man·aha.
Mercury, ian mingsa rakgipa bostu ong·a jekon thermometers aro sphymomanometer-rango jakkala. Indake ong·genchimoba ia mercury-ara mandeni be·enna kenchakani gnanggipa ong·a jekai, neurological damage aro ka·rongterangko nosto ka·na man·a aro uasan ong·aigija ia bosturangko name galjagenchimode samtangtango donggiparangko nosto ka·aninaba kenchakbeani ong·a.
Ministry of Health and Family Welfare (MoHFW)-ni nibg·o ong·gipa Delhi-oni National Media Team, Laitkor Sub-Center-o sanna bannaniko on·enganiko aro 100-day TB Elimination Campaign-ko ong·atanio TB sabisiko bon·atna baditana kingking kam ka·enga, uarangko nirokna gita re·angaha.
National Health Mission (NHM) Meghalaya-ni Mission Director, Ramkumar S., nutrition gnanggipa cha·anirangko on·achi aro sanna bannaniko on·anichi TB sabisiko bon·atna Prime Minister Narendra Modi-ni krenge kam ka·engani bidingo janapengon, a·dok gimikon TrueNAT Machine-ko a·bachengatanichi TB sabisiko u·ina aro porikka ra·e nianiko dakanio tang·doaniko nikna man·enga aro unbaksaba PM Nikshay Mitra-ni ning·o TB sagiparangna dakchakaniko on·enga. Uasan ong·aigija a·doko TB Care Kit-koba a·dok sorkari a·bachengate on·aha ine aganaha.
Indake, sorkari krenge kam ka·anichi TB sabisiko man·giparang tang·onaha aro a·dokni 10% mangni gita songrangko TB-Free songrang ine parakataha.
HLL Hindustan Lifecare Limited -Handheld X-Ray-ni State Coordinator, Meban Kharkongor-ba, ia ostrorangko jakkale mongsongbate East Garo Hills-ni Bijasik Warinandal, Williamnagar-ni Bone Megapgre, Jaintia Hills, East Khasi Hills, Mawkriah aro Nongspung-o TB sabisiko rim·a man·ani gimin aro uamangna sanna bannaniko on·anio chu·sokgipa ong·ani gimin janapangaha.
Ia Delhi-oni re·bagipa dolrang, Reid Provincial Chest Hospital-onaba re·ange nirokeaha aro nutrition gnanggipa cha·anirangko TB saenggipa manderangna on·angaha.
Indake TB sabisini gimin mikrakataniko on·a gita, TB sabisioni nampilgipa Requeststar Kurbah aro Ridalin Shullai, ia sabisiko uamangni mikkangchake chagrongbaanirangko jinmana agantalate on·angan baksa ku·pattianirangkoba on·angaha.
Na·simang ia video-koba nina man·gen:
Na·simang iakoba poraina man·gen: Ramarangni apchangketaniko namatna niamko ra•gata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
