Shillong, Nov 19: Meghalaya a•dokni Lakroh song sambao donggipa Pyrngang chiringoniko Oreichthys warjaintia minggipa rokomsa na•tokko man•aha.
Na•gitchak dakgipa rokomsa ia na•tokko, Kerala University of Fisheries and Ocean Studies (KUFOS)-ni am•sandigipa dolrang 2024 bilsini May jao nikna gita man•aha. India-Bangladesh sima ari jolo donggipa, Pyrngang chiring Surma-Meghna chibimani bak ong•a. Ia am•sandigiparangara Lekiningroy Dann, Neelesh Dahanukar aro Rajeev Raghavan ong•a.
Ia chiring an•cheng, rong•srek aro chiringni rong•terang gita ka•sine jokbagipa ong•a aro uni sambajolo sambolrang gapan baksana maming moila ka•ani grigipa chiring ong•a. Ia chiringni nitoanin ia biapni gamchataniko mesokengon, iandakgipa chonchongipa chiringrangko tange rakkina nang•chongmotani ong•genchimoba bang•a changon ia indakgipa chiringrang nigalako man•ronga. Uamangni am•sandie nianio, scientist-rang Oreichthys warjaintia-niko ming 5 specimen-rang ra•ange nienba uni dingtanganiko u•ina gita man•aha. An•cheng baksa ro•ongarigipa, chi ka•sine jokenggipa aro chisamjolo samsi ba sambolarigipa biap ong•enba, Pyrngang chiring, a•o aro chio donggipa janggi gnanggiparangna ma•chakaniko on•gipa ong•a.
Ua jolo donggipa, War-Jaintia community ba jatrangna ian chiring ong•telaigipasan ong•aija, ian uamangni jatni bebe ra•anio rakkibaenggipaba ong•a.
Ia am•sandie man•aniara, Pyrngang chiring dake chonchongipa chiring chibisikrangko tange rakkina nangchongmotaniko mesoka maina ia chiring chibisikrang janggi gnanggipa do•o matrangnasan ong•aija, mande jatnaba namen gamchatbegipa ong•a, indiba pangnan iandakgipa chiringrang nigalako man•ronga ine aganengon, iako name rakkiangja ong•ode aro jabol galramramaiode ia chiring chibisikrangko nosto ong•atna kenchakani gnang inenba, Dr. Rajeev Raghavan u•iataha.
Na·simang ia video-koba nina man·gen:
Na·simang iakoba poraina man·gen: Chief Secretary, NEHU-ni chatro chatrirangko okgimu chakaniko dontongchina didia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
