Shillong, April 2: Meghalaya-ni traditional fabric ba jatni bewalo ba·ra dokgipa “Ryndia” aro uni gipin jakchi dokgipa gipin ba·rarangba, India sorkari-ni gita Geographical Indication (GI) tag on·ako man·aha.

NABARD aro GI-ni gimin u·i-ma·sigipa Dr. Rajnikanth-ni dakchakaniko man·e, Meghalaya Department of Textiles, bilsi 4-na jotton ka·anichi ia chu·sokaniko man·aha. 2021 bilsio, Umden-Diwon songko Meghalaya-ni skanggipa Eri Silk Village ine parakata jaman iana tarisamsoanirang a·bachengaha. Textiles Department-ni Principal Secretary, Frederick Roy Kharkongor, 2024 bilsini November jao bon·kamgipa dokgimin ba·ra kancharangko mesokna gita uamangni dolko Kolkata-ona dilangaha.

Ryndia, jekon Peace Silk ba Ahimsa Silk ineba aganachim, uko Khasi, Bhoi aro Jaintia jatrang ong·telaigipa rongrangko jakkale bilsi 1000-na batpile jaktangchi ba·ra dokani aro rong sim·anirangko dakbaenga. Ba·ra rinokani aro ru·uta somoirangna baianina mingsinggipa ia ba·rako ba·ra chinnani ba ba·ra chinpengani dakeba jakkala, jean da·ororo namen mingsing minggamako man·enga.

Ba·ra dokaniara, Khasi me·chikrangi janggi tanganio namen gamchatbegipa ong·a maina ian uamangna tangka paisa man·a dakchakan baksana Meghalaya a·dokni apalbegipa dakbewal rikbewalrangko ripingnaba dakchaka. Ia GI tag-ko man·aniara jatni dakbewal rikbewalrangko ripingna aro naljoke rakkina dakchakani ong·a.

Ia chu·sokaniara, Skotong Minister Conrad K Sangma-ni Meghalaya a·dokni apalbegipa dakbewal rikbewalrangko ra·dona niksamsoani baksa apsana. Textiles-ni Minister Paul Lyngdoh-ba, a·doko jakchi dokgipa ba·ra ba bosturangko India gimik aro a·gilsak gimiko ra·dona gita dakchakaha.

Na·simang ia video-koba nina man·gen: 

Na·simang iakoba poraina man·gen: Meghalaya-ni Garo Hills-o nikronggija Binturong ba rokomsa matchuriko nika

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub