Shillong, May 5: Bang·bata manderangan sports-o ba kal·susaanirango poraiao on·tisa namkalja, badiaba manderanga poraiao name sports ba kal·susaanirango nambreskaja. Dipankar Baruah Meghalayani Under-19 Cricket kal·susagipa dolni captain ong·a. Ua HSSLC commerce-stream-o nambatgipa gadangni 3 gipao Pass ka·aha. Kal·susaanio aro poraianio ua namen nambegipa ong·a aro minggnikon mongsonggipa ong·e ra·e ua chu·sokaha. Poraiani aro kal·susaanirang apsan apsan ja·ku ga·a ine ian sakkiko on·aha.
Batanggimin bilsigni ni gisepo ua Meghalayana dingtang dingtang a·dokrango Cricket kal·susaanio bak ra·aha. “Porikkana tarisamsona anga chu·onga gita somoirangko man·jaha. Da·skaride anga ja 3 mangna gitade skul re·bana man·srangjaha. Indiba anga poraianina an·tangko on·kangaha. Anga salo kanta 5 oni kanta 6 onade poraitela aro nama percentagerangko man·a anga krengaha. Iandake top 10 ni 3 gipa gadangko man·e Pass ka·aniara angnade jagokmanpilani ong·aha” Dipankar aganaha.
Da·o ua BBA ko poraina miksongenga indiba uni chu·gimik nisan aro niksamsoanide namgipa Cricket kal·gipa ong·na ine ong·a. Maikai na·a kal·susaanio aro poraianio gisik on·enga? ine sing·on “Ian rakade namen rakbea. Kal·ani aro skie ra·ani ja·mande neng·gokeming porainade neng·kalaijok. Indiba anga an·tangko namen che·eltaitaie aro draemangba poraiaha. Haida uni a·selan da·al anga ia namgipa biteko man·aha” Dipankar aganaha.
Na·simang ia video-koba nina man·gen:
Na·simang iakoba poraina man·gen: HSSLC porikkao Laban Bengalee Boys, St Edmund’s aro St Anthony’s skulrang teng•sua
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
