Shillong, Mar 22: Sukrobar salo, National People’s Party (NPP) dolni President aro Deputy Chief Minister Prestone Tynsong, Meghalaya a•doko ong•nasienggipa Lok Sabha Election, NPP dolna namen dingtangmanchagipa Election ong•gen, maina ia chango, Shillong aro Tura damgni biaprangon, a•dokni silroro namroroaniko nikenba, manderang ia party-na pu•ongen inenba aganaha.
“Ia bilsio, ong•enggipa MP election, NPP dolna namen dingtangmanchagipa election ong•enga, maina batanggimin chango, Tura Parliamentary seat-na mangmangsan candidate-ko seokaha aro bang•bata vote-rangko man•e chegipaba ong•aha. Indake ia chango, damgni seat-rango NPP susaengon, ia damgni seat-rangon chegipa ong•gen” ine aganan baksa, Sukrobar salo, Lok Sabha Election-ni Shillong seat-na, Ampareen Lyngdoh nomination file ka•angaha inenba Tynsong u•iataha.
Indake, party-ni dilgiparang aro mangrake bimchipe kam ka•e on•enggipa dolrang, nokantiona re•enba NPP dolna pu•onchinaba didienga aro bang•a manderang salantian party-ona napbaroroengaha ineba ua janapataha.
“Bilsisani gisepo, MDA-1 osan ong•aigija MDA-2 sorkarini kam ka•anio, a•doko bang•a dingtanganiko nikenba manderang, bang•en party-o bakrimbatokengaha. Je dolniba dilgipa ong•bo jeba re•bae chingni party-o bakrimtokengahani gimin NPP tang•dororoengaha ine nikna man•a” ineba Tynsong aganaha.
Na·simang iakoba poraina man·gen: Tripura-o Ramnagar bye-election-na CPIM-ni candidate nomination file ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
