Shillong, April 9: Meghalaya a·doko dingtang dingtang rokomni skulrang gnang, jekai, Govt. skul, private skul, Adhoc skul aro Deficit skul aro gipinrang gnang. Ia dingtang dingtang rokomni skulrangko komiatna sorkari miksongenga. Ia indake rokom bang·ani a·selo a·dokni Perfomance Grading Indexko tarianio bang·en neng·nikaniko chagrongenga ine skotong minister Conrad K Sangma aganaha.
“Iako dakna chinga rang·sande man·janaba gnang indiba nangchongmotgipa manderangko gronge agangrike aro talgrike ra·chengna nanggen. Dingtang dingtang rokomni skulrang donganichi an·ching neng·nikaniko chagrongenga, iako komiatna chinga raken kamko ka·gnok” skotong minister kobor ra·timgiparangna aganaha. Meghalayao private, adho, Deficit Government, SSA rangko ra·e gimik gimang dam 14,540 skul rang gnang. Iarangko apsan rokomni ba bimangni skulona ra·bapilna adita neng·anirangde donggen indiba chinga iani bidingo ning·tuen chanchigrike aro nanggipa manderang baksa agangrikesa kam ka·gen ineba skotong minister aganaha.
A·dokni PGI jean skulrangni tang·doa-tang·ona, aro namdapatanirangni bidingo kam ka·enga ia indake rokom rokom skul bang·anichi kam ka·na man·dikatenga, bang·a namgnirangko dake on·anio namekai ka·na man·jaenga, iarangko apsan ong·atna kam ka·na nangenga, skulrangni neng·nikani aro nangnikanirang skulni rokom aro ma·malni kri ong·enga, uarangko namatnade agan-golpogrike talgrikchengna nanggen aro ka·sine iarangko namatna man·gen ine skotong minister aganangkuaha.
Na·simang ia video-koba nina man·gen:
Na·simang iakoba poraina man·gen: Conrad, NEIGRIHMS hospital-o jingjengatanina HYC-ni kosako matnangata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
