Shillong, Dec 2: Sombar salo, Tura aro Nongpoh-o, “Take the right path : My health, my rights” ia katta bichongko donne World AIDS Day-ko maniangaha. December jani 1 tariko bilsianti maniba•enggipa ia World AIDS Day-ko skanggipa changna 1988 bilsio a•bachengataha, HIV aro AIDS-ni gimin mikrakataniko on•a baksana iani a•sel nosto ka•ako man•gipa janggirangna on•kange ia salko manironga.

Tura-o ia manianiko, District TB Centre-o pilak sanna bannani bidingo u•i ma•sigiparang baksana health official-rangni dongpanio ong•atangaha. Ia tom•aniona, West Garo Hills-ni District TB Officer In-charge, Dr. Riksilchi M Sangma, ARTC Tura Civil Hospital-ni Medical Officer, Dr. Icylda A Sangma, Senior Medical Officer, Dr. Silberth Sangma aro Garo Hills Division Health Services-ni Joint Director Dr. Sombari Boro-ba sokbae bak ra•angpaaha.

Dr. Riksilchi M Sangma, HIV man•ahaon mandeko bilgriatenba TB sabisiko man•a altubatata inenba che•em che•em aganangan baksana, HIV man•gipa sakantikon TB saaniko ta•rake rim•a man•a gita senggnang porikka ka•e nina nangchongmotani giminba aganangaha.

Dr. Icylda A Sangma, simsakgija tubrin dongbrinachi, jakkalspa bijirangko jakkalanichi aro HIV man•gipa an•chiko ra•chakanichi HIV-ko man•a amani gimin u•iate on•angan baksana, Tura Civil Hospital-o, Anti-Retroviral Therapy (ART) Centre-ko ra•baanichi, ianon sanna bannaniko ra•na gita altubatahani giminba u•iataniko on•angaha, maina batanggimin salrango iana sanna bannaniko ra•na gita Shillong songjinmaona re•ange sanna gita nangachim. Uasan ong•aigija, HIV ba AIDS sabisiko dakgrikna gita jinma apsan ku•mong nangrime kamko ka•na nangani giminba ua u•iatangaha.

Dr. Sombari Boro, HIV ba AIDS-ni gimin an•tangtangni u•ianiko gipinrangnaba u•iate on•china jinmao didianiko dakangan baksana, ia sabisini a•sel mikkang niteani aro a•pal gala man•ako bon•atna kamko ka•anio songsalni on•gilani gamchatani giminba ua aganangaha.

Nongpoh-o, District Integrated Strategy for HIV/AIDS (DISHA), Meghalaya AIDS Control Society (MACS) baksa apsan nangrimenba ia World AIDS Day-ko Ri-Bhoi a•jani, Laban Saro Umroi, Dorbar Hall-o maniangaha.

Umroi Constituency-ni MLA, Damanbait Lamare baksana Umroi-ni MDC, Rangkynsai Kharbuki, District Medical and Health Officer, Dr. A Kharduid aro District AIDS Control Officer, Dr. E Kalwing, maangaba ia manianio dongpae bakko ra•angpaaha.

Ia tom•anio, Health Department-ni gita Free Medical Checkup aro Screening Camp-rangkoba ong•atangaha.

Na·simang ia video-koba nina man·gen: 

Na·simang iakoba poraina man·gen: Tura-o Archery selection-cum-coaching camp-ko a•bachengata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub